.:: قصــه جميله وروعـه ::.

الســــــــلام عليــــكم ورحـمــــة الله وبــــركــاتـــه

تحيه طيبه الى احلـى أعضاء ومشرفين

....:::::لكم القصــه::::...

طفلة جميلة اسمها عبير وشعرها ناعم اسود كـــــالحرير
وانا معها طفل صغير ما أعرف من الحياة إلا العب والمرح وكل الحياه
فرح وسرور كان شيء يجمعنى نحسه ونشعره ..

ولا نعرفه
نلعب مع بعض بالرمال نبني بيوت وقصور اهدمها بيدي
وآآآهـرب وتركض وراي لين نتـعـب
كنت اهديها ورده اقطفها من الشارع ما اعرف اسمها ولا وش تعنى
الي اعرفه انها تحب الورد وإني أدخل على قلبها السرور
كنت اهديها فسحتى تعالي يا عبير خذي هذي فسحتى روحي اشتري
.....تشتري لي ولها بسكوت وعصير ناكل ونضحك ونشتري بالباقي علك
تعمل بفمها بالون صغير اضربه البالونه بيدي واضحك وهي تضحك طاير من الفرح والسرور
تحب الايسكريم كثير وانا من طيبيتي اشتري لها من عند باب المدرسه واركض بسرعه
لبيتها تنتضرني والاسكريم ذايب على يدي تاكل ما بقى منه وكان تعبيرها لي ابتسامه صغيره
بمعانيها الكبيره
امسك بيدي مسمار صغير وانحت اسمها على الجدار وهى تضحك وهى تكتب بالوان على يدي
وترسم شمس وقمر وتكتب عبير

لحظات عشتها معها سعاده وش يجمعنى معها هى صديقتي هى اختي هى كل شيء بدنيتي

..ما اعرف وش هذا الشعور
رجعت من المدرسه بسرعه تسابقنى خطواتي اركض وانا مبتسم ماسك بقاي فسحتي هديه لها واقطف من الشارع ورود
مشتاق لها وسارق من المدرسه شويت طباشير كانت تحب تلعب فيها وتكتب على الجدارن اسمي واسمها
رجعت للبيت ما شفتها وين عبير اشوف ناس كثير عند بيتهم وسيارات وينهى عبير دخلت بيتها بسرعه وين عبير
شافتى امها وهى Sad

تبكي ضمتني على صدرها يا ولدي ماتت عبير انقبض صدرى وانا ما اعرف ايش يعنى ماتت
طيب متى بترجع قالت راحت فوق فى السماء يا ولدي اصدمتها سياره وهربت وماتت عبير
خفت من كل قلبي حسيت إن الأمر كبير ركضت بسرعه لبيتنا ورحت لأمي قلت يأمي ماتت عبير وأمى تضمني وتبكي قلت لها وش يعنى ماتت ما راح ترجع ودوني معها قالت بعد الشر عليك يا ولدى هى الحين بالجنه
بين الطيور تطير
ما عرفت وش يقصدون إلا إني ما راح اشوفها خلاص هذا الي فهمته ظليت حزين وانطفى شيء بقلبي
حسيت إني وحيد اجلس لوحدي عند باب بيتهم وابكي وينها عبير
هذي هى دنيتي Sad