زلغوطة انتخابية ع الطريقة الشامية

أويييييييها نازل فت بهالعملة...

أويييييييها حاطط خيمة بكل حارة و بكل لفتة...

أويييييييها و عم تحكي و كأنك بزمانك الفلتة...

أويييييييها و إنت ما بتفرّق الخمسة من الطمسة...

و ليليليليليليلييييييييييييييييييييش

أويييييييها هاد عم يشتري الصوت بألف...

أويييييييها و التاني عم يبلف بكذبه عقول العالم بلف...

أويييييييها و غيروا إذا موظف عنده ما رشحه بناوله كف...

أويييييييها لك صرعتونا و صارت رؤوسنا عم تبرم و تلف...

و ليليليليليليلييييييييييييييييييييش



أويييييييها حاجة صوتك عم يلعلع...

أويييييييها و حاجة تقول إنو الزير من البير رح تطالع...

أويييييييها بنعرف إنو بدون ما ننتخبك رح تكون على المجلس راجع...

أويييييييها بس نحن صواتنا مو معروضة للبيع...

و ليليليليليليلييييييييييييييييييييش

أويييييييها بكره بيخلص هالموسم..

أويييييييها و بتختفي صورك يلي طالع فيها مبتسم....

أويييييييها و رح تنسى كل الأيامين يلي حلفتهم...

أويييييييها و بياكلوا كل يلي انتخبوك الكم...

و ليليليليليليلييييييييييييييييييييش

أويييييييها صوتي يا صوتي صوتي مبحوح...

أويييييييها و قلبي من كذبك معبى جروح...

أويييييييها غايتك واضحة و هدفك مفضوح...

أويييييييها بدك تزيد أموالك و تبني لحالك صروح...

و ليليليليليليلييييييييييييييييييييش